Sersmíðað gullhálsmen Bleiku slaufunnar verður boðið upp til styrktar átakinu 10-12. október. Slaufuna smíðar og hannar Páll Sveinsson, yfirgullsmiður hjá Jóni & Óskari, sem vann hönnunarsamkeppni Félags íslenskra gullsmiða og Krabbameinsfélagsins um hönnun Bleiku slaufunnar í ár. Uppboðið fer fram á Facebooksíðu Bleiku slaufunnar https://www.facebook.com/bleikaslaufan/videos/484352658724168/ og lýkur kl 15:00 föstudaginn 12. október. Allur ágóði rennur óskertur til Krabbameinsfélagsins. Blásið verður til Bleiks uppboðshófs í verslun Jóns & Óskars að Laugavegi 61, í dag, miðvikudaginn 10. október kl 17-19. Boðið verður upp á veitingar og ljúfa tóna auk þess sem hægt er að berja gullhálsmenið augum. „Og nú skorum við á fyrirtæki að bjóða í þennan einstaka grip og ánafna hana einhverri einstakri konu, en einstakar konur eru eins og við vitum allt í kringum okkur “ segir Halla Þorvaldsdóttir, framkvæmdastjóri Krabbameinsfélagsins; „Á sama tíma skorum við á vinkonuhópa um allt land að skrá sig á bleikaslaufan.is, því félagið vill í samstarfi við hópana auka mætingu kvenna í skimun fyrir brjósta- og leghálskrabbameini. Skimun skiptir sköpum og félagið treystir á samstöðukraft kvenna sem er magnaður.“ Framleiðsla myndbands: Sigríður Sólan Guðlaugsdóttir fyrir Krabbameinsfélag Íslands.

Í Bleiku slaufunni 2019 bjóðum við í bíó. Downton Abbey. Framleiðsla myndbands: Sigríður Sólan Guðlaugsdóttir fyrir Krabbameinsfélag Íslands.

Guðbjörg Kristín Ingvarsdóttir, skartgripahönnuður í Aurum Bankastræti er hönnuður Bleiku slaufunnar 2019. Í ár bjóðum við spennandi nýjung því í fyrsta sinn er Bleika slaufan hálsmen. Bleika slaufan er selda á bleikaslaufan.is og þar er einnig hægt að fá hátíðarslaufuna sem einnig er seld hjá Aurum og Meba. Tvær viðhafnarslaufur verða framleiddar úr gulli sem seldar verða hæstbjóðanda á uppboði á Bleika deginum, 11. október 2019. Um slaufuna segir Guðbjörg: „Blómið í slaufunni táknar jákvæðni og vellíðan og hringurinn táknar kvenlega orku og vernd.“ Guðbjörg leggur áherslu á að hálsmen passi bæði konum og körlum: „Enda geta karlmenn verið alveg ófeimnir við að bera Bleiku slaufuna í ár.“ Bleika slaufan kostar 2.500 krónur og er seld á bleikaslaufan.is og hjá fjölmörgum verslunum um land allt. Að vanda verður hátíðarslaufa Bleiku slaufunnar til sölu í takmörkuðu upplagi á síðunni og einnig hjá Aurum og Mebu. Þá hafa tvær gullslaufur verið hannaðar sem boðnar verða upp í fjáröflunarskyni. „Annars vegar er um að ræða gullhálsmen og hins vegar gullnælu sem er sérstaklega ætluð þeim sem sakna nælunnar,“ segir Guðbjörg. Sýnum stuðning í verki og berum Bleiku slaufuna. Sala fer fram í vefverslun Krabbameinsfélagsins og hjá sölustöðum um land allt. Verð 2.500 kr – rennur óskert til Krabbameinsfélagsins. Framleiðsla myndbands: Sigríður Sólan Guðlaugsdóttir fyrir Krabbameinsfélag Íslands.

Bleika slaufan á marga styrktaraðila bæði stóra og smáa. Lindex hefur stutt dyggilega við bakið á félaginu í tengslum við Bleiku slaufuna. Framleiðsla myndbands: Sigríður Sólan Guðlaugsdóttir fyrir Krabbameinsfélag Íslands.

Bláa lónið styður dyggilega við Bleiku slaufuna og styrkir átakið um 30% af söluverði Rejuvenating Lip Balm varasalvanum í október. Bestu þakkir fyrir stuðninginn! Framleiðsla myndbands: Sigríður Sólan Guðlaugsdóttir fyrir Krabbameinsfélag Íslands.